1. Die leerder moet hiervan bewys lewer deur in selfwerkopdragte en/of ‘n eksamenvraestel in die gekose vakkursusse en/of deur die verhandeling / skripsie relevante probleme in sy/haar gekose spesialiteitsgebied te identifiseer, te assesseer, te formuleer en innoverend met behulp van die toepaslike tegnieke op te los.

2. Die leerder moet hiervan bewys lewer in die verhandeling / skripsie deurdat die verhandeling / skripsie hoe vlak ontwerp en/of sintese van komponente en/of stelsels en/of produkte insluit.

3. Die leerder moet hiervan bewys lewer in die verhandeling/skripsie deurdat die verhandleing/skripsie voldoen aan die vereistes wat gestel word vir die korrekte toepassing van die navorsingsmetodiek sowel as wetenskaplik korrekte verslagdoening van hoe gehalte.

Geintegreerde assessering:

Formatiewe en summatiewe evaluering vind op ‘n geintegreerde wyse plaas. Gedurende die verloop van die kursus word daar van die volgende formatiewe assesseringsmetodes gebruik gemaak:

verskeie selfwerkopdragte wat deel vorm van die vakkursusse waardeur kennisontsluiting en toepassing gepaardgaan met die gebruik van gepaste tegnieke en rekenaarimplementering;

individuele en groepsgesprekke wat ook bydra tot die ontwikkeling van die leerder se wetenskaplike kommunikasievaardighede;

deurlopende evaluering van die vordering met die navorsing vir die verhandeling / skripsie deurdat spesifieke gedeeltes van die verhandeling / skripsie op voorgeskrewe tydstippe voorgele word vir evaluering en remediering.

Summatiewe evaluering vind op die volgende wyses plaas:

eksamenvraestelle en/of samevattende selfwerkopdragte na die afloop van kursusse waarin die leerder bewys moet lewer dat hy/sy probleme in sy/haar gekose spesialiteitsgebied kan identifiseer, assesseer, formuleer en innoverend met behulp van die toepaslike tegnieke kan oplos;

‘n verhandeling / skripsie waarin bewys gelewer kan word van die korrekte toepassing van die navorsingsmetodiek sowel as wetenskaplik korrekte verslagdoening van hoe gehalte.