Leerders sal hul vermoe moet demonstreer om die toepaslike musikale metodes te gebruik en toe te pas in die hantering van ‘n toepaslike musiekwetenskaplike/uitvoerende/komposisionele probleem in die veld van spesialisasie deur:

die bewyslewering van beheersde kennis van die teorie en beginsels van die veld;
die integrering van teorie en praktyk in die veld;
kritiese analise van bestaande kennis in die veld;
die uitvoering van navorsing volgens die aanvaarde metodologie in die veld;
die ontleding en interpretasie van navorsingsdata en resultate;
die rapportering van navorsingsresultate in ‘n wetenskaplik aanvaarde formaat.

Geintegreerde assessering:

Geintegreerde assessering om te verseker dat die doel van die kwalifikasie bereik word, sal kontinu geskied. Dit sal insluit:

die assessering van die vordering met die opstel van ‘n navorsingsvoorstel/ program/portefeulje onder leiding van die studieleier en toesig van die direkteur van die betrokke navorsingsfokusarea, vir goedkeuring deur die Fakulteitsraad;
deurlopende evaluering deur die studieleier van die kwaliteit van die navorsing/uitvoerings/komposisies;
kontinue evaluering deur die studieleier van die vordering met en die gehalte van die skryfwerk aan die verhandeling/voorbereiding van konsertprogramme/ skryf van komposisies;
finale eksaminering van die verhandeling/konsertuitvoerings/komposisies deur ‘n paneel van interne en eksterne eksaminering en verslagdoening deur die Fakulteitsraad.